سوال:اگر کوئی توبہ کرتے ہوئے اللہ کی بارگاہ میں یہ کہہ دے کہ اللہ کی قسم میں آئندہ یہ گناہ نہیں کروں گی،تو اگر اس نے وہ گناہ کردیا ،تو اس کا کفارہ دینا ہوگا؟ اور اس کا کفارہ کیا ہے؟
جواب:دریافت کردہ صورت میں جس گناہ سے بچنے کی قسم کھائی ،اگر وہ گنا ہ کر لیا ،تو قسم ٹوٹ جائے گی جس کا کفارہ دینا لازم ہوگا اورقسم کاکفارہ یہ ہے کہ دس مسکینوں کودو وقت کاکھاناکھلائے یا دس مسکینوں کو کپڑے پہنا دے اگر یہ دونوں کام کرنے کی استطاعت نہیں تو تین روزے رکھے۔اورکھانے کی جگہ یہ رعایت بھی موجودہے کہ دس مسکینوں میں سے ہر ایک کو صدقۂ فطر کی مقدار میں رقم دے دی جائے،لیکن رقم کی ادائیگی میں یہ خیال رکھاجائے کہ اگرایک فقیر کوایک ہی دن دس صدقہ فطر کی مقدار دے دی تویہ ایک ہی دن کے کھانے کے برابر کہلائے گا ،بقیہ 9دن کے صدقہ فطر کی مقدار دینا باقی رہے گا۔
