سوال: زکوٰۃ کاحساب گھر کے افراد میں سے ہر ایک کا علیحدہ ہے یا سربراہ کا ہی کافی ہے؟
جواب:گھر کے افراد میں سے جو بھی صاحب نصاب ہوگا ،اس پر زکوٰۃ کی شرائط پائے جانے پر زکوٰۃ لازم ہوگی،دیگر پر زکوٰۃ لازم ہونے کی صورت میں صرف ایک فرد یا سربراہ کا اپنی زکوٰۃ دےدینا بقیہ کی طرف سے کفایت نہ کرے گا ،ہر صاحب نصاب پر علیحدہ سے زکوٰۃ دینا لازم ہوگا ،ہاں اگر گھر کا سربراہ اپنی زکوٰۃ کے علاوہ ان کی زکوٰۃ بھی اپنے مال سے ان کی اجازت سے ادا کر دیتا ہے تو بقیہ کی بھی زکوٰۃ ادا ہو جائے گی۔
