سوال: رکوع میں جا کر کہاں نظر رکھنی ہوتی ہے؟
جواب: جب رکوع میں جائیں تو اپنی نظر اپنے قدموں کی پشت پر رکھیں ۔ درمختار میں ہے: ” نظره إلى موضع سجوده حال قيامه، وإلى ظهر قدميه حال ركوعه۔”ترجمہ: حالتِ قیام میں سجدے کی جگہ نظر رکھنا اور حالتِ رکوع میں دونوں قدموں کی پُشت پر نظر رکھنا، آدابِ نماز میں سے ہے۔(ردالمحتار مع الدرالمختار،کتاب الصلوٰۃ ، جلد 03 ، صفحہ 250 ، مطبوعہ: دار الثقافۃ والتراث، دمشق)
بہارشریعت میں ہے "نماز کے مستحبات:(1)حالت قیام میں موضع سجدہ کی طرف نظر کرنا۔ (2) رکوع میں پُشت قدم کی طرف۔”(بہار شریعت،ج01،حصہ03،ص538،مکتبۃ المدینہ)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم