سوال: فرض نماز کی پہلی رکعت میں فاتحہ کے ساتھ ایک سورت پڑھی اور دوسری رکعت میں اس سے پہلے والی سورت پڑھی ، تو کیا نماز ہوجائے گی؟
جواب: نما زمیں سورتوں کو جان بوجھ کر خلاف ِ ترتیب پڑھنا مکروہ تحریمی ہے اور ایسا کرنے والا گناہگارہے البتہ اس بنیاد پر نماز واجب الاعادہ نہیں ہوگی ۔
فتاوی رضویہ میں ہے :”ترتیب الٹنے سے نماز کا اعادہ واجب ہو نہ سجدہ سہو آئے ہاں یہ فعل ناجائز ہے اگر قصدا کرے گنہگار ہوگا ورنہ نہیں“(فتاوی رضویہ ،جلد:7،صفحہ :358،مطبوعہ رضافاؤنڈیشن )
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
