سوال:جس شخص پرمالکِ نصاب ہونے کی وجہ سے اپنی قربانی واجب تھی لیکن اس نے کسی کام کے لئے قربانی کی منت بھی مان لی توکیابقرعیدپرصرف ایک قربانی کرنے سے دونوں اداہوجائیں گی؟
جواب:جی نہیں!ایسے شخص پرلازم ہوگاکہ وہ دوقربانیاں کرے ایک سے مالکِ نصاب ہونے کی وجہ سے جوواجب تھاوہ اداکرے اوردوسری سے اپنی منت پوری کرے۔
ردالمحتارمیں ہے:
’’لونذرقبل ایام النحران یضحی شاۃ لزمہ شاتان احداھمابالنذروالاخری بالغنی لعدم احتمال الصیغۃ الاخبارعن الواجب،اذلاوجوب قبل الوقت‘‘
’’اگرمالک نصاب نے قربانی کے ایام سے پہلے بکری ذبح کرنے کی منت مان لی تواس پردوقربانیاں لازم ہوگئیں ایک منت کی اوردوسری غنی ہونے کی وجہ سے کیونکہ واجب کی خبردینے کاتوصیغہ میں احتمال ہونہیں سکتاکہ وقت سے پہلے وجوب کیسا‘‘۔ (رد المحتار، ج9ص480)
بہارِشریعت میں ہے:
’’مالک نصاب نے قربانی کی منت مانی تواس کے ذمہ دوقربانیاں واجب ہوگئیں ایک وہ جوغنی پرواجب ہوتی ہے اورایک منت کی وجہ سے دویادوسے زیادہ قربانیوں کی منت مانی تو جتنی قربانیوں کی منت ہے سب واجب ہیں ‘‘۔
(بہارِ شریعت ،ج3،حصہ 15،ص352)
(قربانی کے احکام از شیخ الحدیث مفتی عرفان احمد عطاری مدنی)
