سوال: کیا فرماتے ہیں علمائے دین اس مسئلے کے بارے میں کہ ہاف آستین والی ٹی شرٹ میں نماز پڑھنا کیسا ہے؟
جواب: ٹی شرٹ پہن کر نماز ہوجائے گی۔ البتہ جو شخص ایسا لبا س پہن کر معزز لوگوں میں جانا پسند نہیں کرتا اس کے لئے ایسا لباس پہن کر نماز پڑھنا ، مکروہِ تنزیہی و ناپسندیدہ ہے۔ ہاں جو ایسا لباس پہن کر لوگوں کے سامنے جانے میں برائی محسوس نہیں کرتا اس کے لئے مکروہِ تنزیہی بھی نہیں۔
مفتی وقارالدین صاحب رحمۃ اللہ علیہ فرماتے ہیں: ”ہاف آستین والا کرتا،قمیص یا شرٹ کام کاج کرنے والے لباس میں شامل ہیں اس لئے جو ہاف آستین والاکرتا پہن کردوسرے لوگوں کے سامنے جانا گوارانہیں کرتے،اُن کی نمازمکروہِ تنزیہی ہے اورجولوگ ایسا لباس پہن کرسب کے سامنے جانے میں کوئی بُرائی محسوس نہیں کرتے،اُن کی نَمازمکروہ نہیں۔ (وقار الفتاویٰ، جلد 2، صفحہ 246)
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
