سوال: میرے ہاں بیٹی کی ولادت ہوئی ہے میں اس کا نام نبیلہ رکھنا چاہتی ہوں کیا یہ نام رکھنا درست ہے ؟

جواب: نبیلہ نام رکھنا درست ہے اس کا معنی ہے:شریف ومعززاورصاحب فضیلت عورت ،بلندنسب والی ۔

   اورنبیلہ نیک وپرہیزگارخاتون کانام ہے اورحدیث پاک میں اچھوں کے نام پرنام رکھنے کی ترغیب ارشادفرمائی گئی ہے ،اس اعتبارسےیہ نام رکھنااچھاہے۔

   المنجد میں ہے”نبالة:نجیب و شریف ہونا۔صفت:نبل و نبیل،مؤنث:نبلة و نبیلة۔۔۔۔”النبیل:شرافت والا، فضیلت والا،۔۔۔۔ النبیلة، نبیل کا مؤنث “(المنجد،ص 875،مطبوعہ لاہور)

   قاموس الوحید میں ہے”نبل فلان:کسی کا شریف اور عالی نسب ہونا،ھو نبیل وھی نبیلة۔۔۔۔۔۔ ”النبیل :شریف و معزز“ (القاموس الوحید،1605،مطبوعہ لاہور)

   اعلام للزرکلی میں ایک نیک خاتون کا نام  نبیلہ مذکور ہے :’’ نبيلة بنت السلطان الملك المظفر يوسف ابن عمر بن علي: سيدة يمانية تقية محسنة ‘‘ ترجمہ: نبیلہ بنت سلطان ملک مظفر یوسف بن عمربن علی : یمنی شہزادی ہیں جو کہ نیک و پرہیزگار خاتون ہیں۔(الاعلام للزرکلی، ج8، ص8، دار العلم للملايين، بیروت)

   نوٹ:مزید ناموں کی تفصیل کے لیے مکتبۃ المدینہ کی کتاب ’’نام رکھنے کے احکام‘‘کا  مطالعہ مفید ہے۔یہ کتاب نیٹ سے بھی ڈاؤن لوڈ کی جاسکتی ہے ۔

   نیچے دیے گئے لنک سے کتاب ڈاؤن لوڈ کر بھی کر سکتے ہیں اور آن لائن مطالعہ بھی کر سکتے ہیں۔

وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم

(دعوت اسلامی)