میرے ابو نے میری امی کو کہا کہ اگر تم بیٹی کے گھر گئی تو میں تجھے طلاق دے دوں گا تو کیا گھر میں جانے سے طلاق ہو جائے گی؟
جواب:اگر واقعی ایسا ہی ہے جیسا آپ نے بیان کیا تو آپ کی ماں کے، بیٹی کے گھر جانے کی وجہ سے کوئی طلاق واقع نہیں ہوگی، کیونکہ طلاق دے دوں گا زمانہ مستقبل میں طلاق دینے کا ارادہ ہے اور ارادہ طلاق سے طلاق واقع نہیں ہوتی، البتہ آپ کے والد صاحب کو چاہیے کہ کسی سنی صحیح العقیدہ مستندمفتی صاحب سے اپنی مکمل صورت حال معلوم کرکے عمل کرے ۔