سوال: تروایح کے دوران امام صاحب اس طرح نماز پڑھائیں کہ دو سجدوں کے درمیان ایک بار سبحان اللہ کی مقدار برابر بھی وقفہ نہ کریں ، تو کیا نما ز ہو جائے گی ؟
جواب: نماز میں جلسہ اور تعدیلِ ارکان یعنی رکوع و سجود ، قومہ اور جلسہ میں کم از کم ایک بارسُبْحَانَ اﷲ کہنے کی قدر ٹھہرنا واجب ہے ، اگر یہ واجب بھولے سے چھوٹے ، تو سجدہ سہو سے نماز ہو جائے گی،مگرعام طور پر یہ کام بھولے سے نہیں ہورہا ہوتا، لہٰذا اگر جان بوجھ کر تعدیل ارکان کا واجب چھوڑا ، تو نماز دوبارہ پڑھنا واجب ہوگا، لہٰذا تروایح کی نماز ہو یا کوئی اور نماز سب میں ہی یہ حکم یکساں اور برابر ہے ۔
وَاللہُ اَعْلَمُ عَزَّوَجَلَّ وَرَسُوْلُہ اَعْلَم صَلَّی اللّٰہُ تَعَالٰی عَلَیْہِ وَاٰلِہٖ وَسَلَّم
