سوال: دو گھر اس نیت سے خریدے کہ ایک میں رہائش اختیار کریں گے اور دوسرے کو کرائے پر دیں گے ،اب دونوں گھر ہی کرائے پر ہیں ،اب ان گھروں پر زکوٰۃ کا کیا حکم ہے؟
جواب:صورت مسئولہ میں کرائے پر دئے گئے گھروں پر زکوٰۃ لازم نہیں ہوگی ،بلکہ اس سے حاصل ہونے والا کرایہ جبکہ حاجت اصلیہ سے زائدہواورخودیادوسرے مال سے مل کر نصاب کو پہنچے اوردیگر شرائط زکوة بھی پائی جائیں،تواس کرایہ پرزکوة ہوگی ورنہ نہیں۔