سوال: اگر فرائض کی 3,4 رکعت میں سورہ ملا لیں،توکیاسجدہ سہوواجب ہوجاتاہے؟
جواب:چارفرضوں کی آخری دورکعتوں میں یاتین فرضوں کی آخری ایک رکعت میں نمازی کواختیارہے چاہے فاتحہ پڑھے یاتین مرتبہ سبحان اللہ کہے یاتین مرتبہ سبحان اللہ کہنے کی مقدارچپ رہے لیکن فاتحہ پڑھناافضل ہے،یاد رہے کہ چاررکعت والی نمازکے فرضوں کی آخری دورکعتوں میں سورت ملاناممنوع نہیں بلکہ خلاف اولیٰ ہے،بلکہ بعض ائمہ نے اسے مستحب قراردیاجبکہ وہ منفردہو،اوراگریہ امام ہے تومکروہ تنزیہی، بلکہ مقتدیوں پرگراں گزرے توحرام ہے،لیکن سورت ملانے سے سجدہ سہو لازم نہیں ہوگا۔
